اوروبا قاره من القرات السبع

اوروبا
من ويكيبيديا، الموسوعه الحره
نُط على: استكشاف, تدوير

قارة اوروپا متعلّم عليها بالأخضر
صورة ل قارة اوروبا متاخدة ب القمر الصناعياوروپا (يونانى: Ευρώπη; انجليزى: Europe)‏ هي واحدة من السبع قارات اللي موجودين في الكورة الأرضية و مساحتها حوالي 10 مليون كيلومتر مربع و بكدا ب يتكون تاني اصغر قارة في العالم بعد اوستراليا. اوروبا هي تالت قارة في العالم من حيث عدد السكان بعد اسيا و افريقيا و عايش فيها دلوقتي 731,000,000 انسان. القارة بيحدها من الشمال المحيط القطبي ومن الغرب المحيط الاطلنطي و ب يفصلها عن قارة افريقيا البحر المتوسط. اما من ناحية الشرق فبيفصلها عن قارة اسيا جبال الاورال و بحر قزوين و البحر الاسود و جبال القوقاز. اوروبا فيها عدد كبير من الدول المستقلة ( 50 دولة )اكبر دولة فيهم هي روسيا و ازغر واحدة فيهم هي الفاتيكان. اوروبا هي اصل الحضارة الغربية و من زمان وهي فيها مراكز حضارية عظيمة زي الحضارة اليونانية و الرومانية و من اول القرن الست-ت-اشر بدات قوتها و نفوذها يتوسع لحد ماسيطرت الدول الاوروبية على معظم دول افريقيا و امريكا الشمالية و الجنوبية و اسيا و استراليا. اوروبا دخلت حربين عالميتين ورا بعض و اللي قصقصو نفوذها و دمرو اقتصادها و خلوها تفقد معظم مستعمراتها. دلوقتي اغلب دول القارة بيجمعهم اتحاد سياسي-اقتصادي هو الاتحاد الاوروبي. من أكبر المدن اللي في أوروبا باريس و لندن و روما و بوخارست و برلين و استانبول و موسكو ومدريد و اتينا.

المحتويات [تخبية]
1 اللغات
1.1 اللغات الهندوأوروبية
1.2 اللغات الألتية
1.3 الباسكى
1.4 اللغات الأورالية
1.5 اللغات السامية


[تعديل] اللغات
أوروبا قارة غنية باللغات الكتيرة وكلها تقريبا بتتبع عيلة اللغات الهندوأوروبية و أغلب اللغات دي ممكن تتقسم في تلات مجموعات رئيسية: اللغات الرومانسية اللي جاية من اللاتينبي ، اللغات الجيرمانية واللي جاية من جنوب أسكندنافيا و أخيرا اللغات السلافية في شرق أوروبا وكمان في لغات زي المالطي اللي بيعتبر لهجة جاية من العربي و التركي و الباسكي اللي بره العيلة أو المجموعات دي.

[تعديل] اللغات الهندوأوروبية
زي ما شفنا فوق فدي أكبر عيلة لغوية في اوروبا و بتضم:

اللغات الرومانسية زي الإيطالي و الفرنساوي و الاسباني و الروماني و البرتغالي
اللغات الجيرمانية زي الانجليزي و الألماني و الأيسلاندي والدانيماركي و السويدي و النوريجي
اللغات السلافية زي الروسي و الأوكراني و البولجاري و التشيكي و البولاندي و الصربي و و الكرواتي و البوسني.
الألباني
اليوناني
[تعديل] اللغات الألتية
و هي بتضم شوية لغات أهمها التركي.

[تعديل] الباسكى
و هي لغة معزوله و ملهاش قرايب من نفس العيله في اوروبا و بيتكلمها دلوئتى سكان اقليم الباسك فى شمال اسبانيا.

[تعديل] اللغات الأورالية
وهي بتضم الفنلندي و المجري.

[تعديل] اللغات السامية
اللغات السامية ليها تمثيل واحد بس :المالطي و اللي هو لهجة من لهجات العربي و بيكتب بحروف لاتيني.