من طرف وفاء للابد الأحد يونيو 13, 2010 3:50 pm
أولا شكرا شكرا يا احمد على البقين الحلوين اللى قلتهم فى حقى
تمرت فيك العشره
ثانيا أما حته كرسى يا واد يا أحمد الواحد يقعد عليه ويقول كل اللى عنده
انا حاسه باسترخاء وانا قاعده على الكرسى الجميل ده وعاوزه أنام هاووووووووووووم بس هجاوب الأول على أسئلتك
1-بماذا تصف نفسك.؟
انا واحده عاديه زى كل الناس
بس عندى صفات كتيره مش عاجبه ناس كتيره
2-ماهي مواهبك..؟
بحب الشعر وبكتبه أحيانا للتعبير عما يجول بخاطرى
عندى موهبه غريبه شويتين وهى القدره على الإنصات والاستماع للاّخرين تقدر تقول أخصائيه اجتماعيه بس فى حالات كتيره ميكونش عندى قدره على حل المشكله لكن فضفضه الإنسان عما بداخله يعتبر 1/2حل المشكله
3-ماهي طموحاتك بالحياة..؟
نفسى فى عيشه حلوه وهنيه لبناتى
ونعيش بدون منغصات طوال حياتى انا وزوجى
4-ماهو تعريفك للدنيا؟؟
الدنيا شوكولاته طعمها رائع يتهافت الجميع عليها لان مفيش حد ما بيحبش الشيكولاته لكن بعد مابتدوب فى فمهم بيعرفوا انها مش دايمه ولازم يجى وقت وتخلص
5-مارايك بالسنة الدراسية2009/2010؟
بصراحه كانت أكتر سنه مرهقه بالنسبه لى
لانى اشتغلت فيها شغل لم اشتغله منذ تعيينى
بس كانت لذيذه لأن بحب شغلى وبستمتع بيه
الجزء الثاني:
1-مارأيك بالمنتدى؟؟
المنتدى ده ابن أستاذ شوقى
ولسه المنتدى وليد صغير بيخطو خطواته الأولى
بس لسه بدرى حول تكوين رأى عن المنتدى
ماذا يعجبك فيه؟
رغم ان عمره شهر الا انه ضم عدد لا بأس به من الأعضاء والمشاركات
وماذا لايعجبك فيه؟؟
يعنى المنتدى شامل لكل الموضوعات زى كل المنتديات
كان نفسى يكون اكثر تخصصيه بما انه منتدى خاص بمدرسه
بس ده ممكن يحصل مع الوقت لما المدرسين يتحمسوا ويساهموا بانجازاتهم فى المنتدى
2-إختر خمسة أعضاء وأعط لهم القابا من عندك
أستاذ شوقى القــــــــــــــــائد
أحمد عزمى المثــــــــــــــابر
فاطمه الشاعره الحســــــــــاسه
m-vokin العــــــــــاقل
Euro 2022 واثق من نفسه
عدل سابقا من قبل وفاء للابد في الأحد يونيو 13, 2010 4:25 pm عدل 1 مرات
